Zindagi ke raaz...!!!

Ke is qadar me is jahan me kho gaya hun, ki khud se milne ki fursat nahi. Apni tanhayeeyo me jeene ki koshish ki par ab jeene ki himmat nahi. Is zindagi ke raaz agar samajh me aate to shayad khuda pa jata, nazar-e-karam us khuda ki mai hamesha hi pata.

Par us khuda ne hi mujhe banaya hai, un sachhayiyo ko dhundhna bhi usi ne sikhaya hai. Par fir bhi kahin aaj bhi koi kami khalti hai, sham bhi sooraj ko duba khud dhalti hai. Kahi ye ishaara na ho us khuda ka jisne ye duniya banayi hai, ek din tera bhi waqt ayega ye seekh mujhe sikhai hai.

Zindagi ke panno par likhe ye shabd aaj bhi rula dete hai, shayad zindagi ki sachhaiyo se rubaru kara dete hai. Gulab ki nazuk pankhudiyo jaisi ye dhadkane, tab aur bhi nazuk ho jati hai, jab kisi ka deedar paakar ye aur bhi tez ho jati hain. Isiliye ye dil baar baar unhe dekhne ko karta hai, shayad use dhadkano ke roop me tanhayee ka sathi jo mil jata hai.

Zindagi ka safar aasan nahi, ye to sab jante hain, par uske pichhe chhupe raaz ko bahut kam hi thik se pehchaan pate hain. Kehne ko bahut koi, par seekhne ko koi nahi, yahi bahut bada raaz hai, jo koi samjha nahi. Par ek sachhai jo janni aur seekhne bahut zaruri hai ki “Dusro ki madad karo ek din bade aadmi ban jaoge”, us samay apne mata-pita ke charno me shish jhukana, saare raaz khud-b-khud paa jaoge.

Bachpan ke Din....!!!!

This pic of mine has been taken when
I was about 2 year old.

Yaad aata hai wo bachpan suhana, jaha tha maa ka pyar, aur unka god me sulana. Wo unka pyar se apne paas bulana, aur unhe tang karne ke liye hamara chhipna chhipana. Subah savere maa ka jagaana, thodi der aur keh ke hamara fir se so jana. Naha dhoke hamara tayyar ho jana, taki kha sake maa ke hathon se unka swadisht khana. Unse vida lekar school ko jana, raste bhar sochte huye ki aaj tiffin jaldi hai khana. Din bhar school me padhna, khelna, dhoom machana, thak harkar aakhir fir se maa ki god me aa jana. Bigadta dekh papa ka daat lagana,"Padhle beta! nahi to padega tujhe ghar hi baithana". Bura mankar hamara kamre se bhag jana, aur  mumy ka papa ko aankhein dikhana. Fir shuru hota tha hamara ruthna, mumy ka manana, hum isliye maan jate kyuki papa ka hota tha apne haatho se khilana. Kismat wale hain hum ki hume mila hai maa aur baap dono ka pyar, dular aur sarhaana, nahi to kitne bachho ko mushkil hi milta pata hai 2 waqt ka khana. Ye sochte sochte hamare neend ke aagosh me aa jana, subah uthe to fir se apne aapko apni maa ki god me pana. Yaad aata hai wo bachpan suhana, jaha na to thi bhrashtachar ki chinta, na ghotalo ka fasana, rishwat me pyar, zamin jaedat me samman, rishte nibhana, yahi tha hame dete aana, kaha gaye wo din, he!! ishwar lauta do hame wo zamana... wo zamana...!!!